Mınıstrdiń aıtýynsha, jeke menshik balabaqshalardyń lısenzıasyn qaıtarý úshin zańǵa ózgeris engizý kerek.
Beınebaqylaý júıesin ornatýǵa qatysty naqty talap bolady, dep habarlaıdy Almaty-akshamy.kz
Bilim jáne ǵylym mınıstri Asqat Aımaǵambetov balabaqshalarǵa qatysty talaptardyń ózgeretinin málimdedi.
Mınıstrdiń aıtýynsha, jeke menshik balabaqshalardyń lısenzıasyn qaıtarý úshin zańǵa ózgeris engizý kerek.
«Ol úshin biz Májiliske, Senatqa kelýimiz kerek. Osy eki palatada bárin qorǵap, depýtattardyń qoldaýyn alýymyz kerek. Oǵan ýaqyt qajet. Buǵan deıin biz birneshe ret osy normany engizýge tyrysqanbyz. Ókinishke qaraı, áli kúnge deıin zańǵa engen joq. Biraq bizdiń ustanymymyz bir, lısenzıalaý qajet. Meıli, memlekettik bolsyn, meıli, jeke menshik bolsyn, barlyq balabaqshaǵa birdeı talap qoıý qajet», - dedi Aımaǵambetov.
Mınıstr balabaqshalarǵa lısenzıa berý máselesin aıaǵyna deıin jetkizýge múddeli.
Budan bólek, taǵy bir buıryqqa ózgeris engizilip jatyr.
«Biz 122-shi buıryqqa ózgeristerdi engizilip jatyrmyz. Ol ózgerister osy aıda enýi kerek. Onda biz memlekettik tapsyrys alatyn balabaqshalarǵa talaptar qoıatyn bolamyz. Birinshiden, sonda isteıtin tárbıeshilerdiń biliktiligine talap qoıylady. Olardyń mindetti túrde tıisti bilimi bolýy kerek. Ekinshiden, sany boıynsha, bizde tıptik shtat bar. Sol shtatqa sáıkestik bolýy shart», - dep atap kórsetti Aımaǵambetov.
Sonymen qatar, beınebaqylaý júıesin ornatýǵa qatysty naqty talap bolady. Bilim berý men tártip máselesi de eskeriledi.