Jyl saıyn pedagog mamandardyń jalaqysy 25 paıyzǵa ósip otyrady.
Bilim jáne ǵylym mınıstri Asqat Aımaǵambetov qandaı muǵalimderdiń joǵary jalaqy alatyny týraly aıtty, dep habarlaıdy Almaty-akshamy.kz
Búginde jyl saıyn pedagog mamandardyń jalaqysy 25 paıyzǵa ósip otyrady. Osylaısha, muǵalimderdiń jalaqysyn eki esege kóterý josparlanǵan.
«Biz barlyq muǵalimderdiń jalaqysyn 25 paıyzǵa kóterdik. Ol jaǵynan eshqandaı shekteý joq. Biraq óz sheberligin kórsetip júrgen mamandar sál joǵary alady. Máselen, hımıany nemese fızıkany aǵylshyn tilinde beretinder kóbirek jalaqy alady. Magıstr dárejesi bolsa, taǵy 30 myń teńge qosylady», - dedi Aımaǵambetov.
Mınıstrdiń aıtýynsha, kez kelgen muǵalim aǵylshyn tilin úırenip, magıstr dárejesin ala alady. Sóıtip, kóbirek jalaqy alýǵa múmkindigi bar.
«Barlyǵyna birdeı jaǵdaı jasalǵan. Al eńbek ótili kóp eskerilmeıdi», - dep atap kórsetti Aımaǵambetov.
Osy oraıda mınıstr jas mamandarǵa qatysty talaptyń kúsheıtilgenin de eske saldy. Byltyrdan bastap jas pedagogtar mektepke jumysqa turý úshin testileýden ótedi. Onyń nátıjesi kóńil kónshiterlik emes.
«Ótken jyly 33 myńǵa jýyq adam test tapsyrǵan. Olardyń 90 prosenti narazy boldy. Biraq test kezinde túlekterdiń kóbisi tórt jyl boıy matematıka fakúltetinde oqysa da, mektep baǵdarlamasy boıynsha óte almady», - deıdi Aımaǵambetov.