Óńirlik kadr rezervterin qurý josparlanǵan.
Búgin Qasym-Jomart Toqaev Memlekettik qyzmet isteri agenttiginiń tóraǵasy Darhan Jazyqbaevty qabyldady, dep habarlaıdy Almaty-akshamy.kz Aqordaǵa silteme jasap.
Memleket basshysyna Agenttiktiń byltyr atqarǵan jumystary men onyń tapsyrmalarynyń oryndalý barysy jóninde esep berilip, aldaǵy kezeńge arnalǵan jospary týraly baıandaldy.
Prezıdentke memlekettik qyzmetke kirý isindegi artyq kedergilerdi joıý, odan shyǵý tártibin jeńildetý úshin júrgizilgen jumystar týraly málimet berildi. Darhan Jazyqbaevtyń aıtýynsha, memlekettik qyzmetke irikteý jáne qabyldaý prosesin tolyq sıfrlandyrý maqsatynda "E-qyzmet" júıesi jańǵyrtyldy jáne onyń bazasynda bıyl 1 naýryzdan bastap jańa irikteý júıesi pılottyq joba retinde iske qosylady.
Agenttik tóraǵasy búrokratıalyq kedergilerdi azaıtýǵa baǵyttalǵan memlekettik organdardyń qyzmetin taldaý nátıjeleri týraly da baıandady. Darhan Jazyqbaev Agenttikti tolyqqandy HR-ınstıtýtqa aınaldyrý jónindegi josparly sharalarǵa arnaıy toqtaldy.
Qasym-Jomart Toqaevqa salalyq kadrlardyń memlekettik apparatqa qajettigin eskere otyryp, Prezıdenttik jastar kadr rezervine kezekti irikteý ótkizýge daıyndyq jumystarynyń bastalǵany jóninde málimet berildi. Sondaı-aq óńirlik jastar kadr rezervterin qurý josparda bar.
Qasym-Jomart Toqaev memlekettik apparattyń servıstik modelin qalyptastyrý jáne memlekettik qyzmetti odan ári jetildirý jumystaryn júıeli túrde jalǵastyrýdy tapsyrdy.