Ol aýa raıynyń qolaısyzdyǵyna qaramastan jumys isteı beredi.
Almatyda «Sergek – Patrúl» júıesi iske qosyldy, dep habarlaıdy Almaty-akshamy.kz
Bul týraly İshki ister mınıstrliginiń ókili Shuǵyla Turlybek aıtty.
"Almaty polısıasynda jańa «Sergek – Patrúl» kesheni tanystyryldy. Bul júıe megapolıste jol qaýipsizdigin qamtamasyz etýge jáne apat deńgeıin tómendetýge múmkindik beredi. Kameralar men joǵary ıntellekt kómegimen júıe qajet avtomobıldi kólik aǵynynyń ishinen anyqtaıdy ári memlekettik nómirdi tanıdy jáne derekterdi serverge jiberedi", - dedi İİM ókili.
«Sergek – Patrúl» memlekettik tirkeý nómirlik belgisi jalǵan nómir emestigin, tehnıkalyq baıqaýdyń jáne saqtandyrý polısiniń bolmaýyn, tólenbegen aıyppuldardyń bolýyn, urlyqqa jáne qandaı da bir qylmysqa qatysy bar-joǵyn tekseredi.
Baǵdarlama qoǵamdyq kólikke arnalǵan jolaqtarda jol erejesin buzý deregin de túsire alady.
"Jańa avtomattandyrylǵan keshen óziniń tehnıkalyq múmkindikterin aıtarlyqtaı jaqsartty. Jabdyq qarańǵy ýaqytta, qolaısyz aýa raıynda jáne aıazda jaqsy jumys isteıdi. Avtomattandyrylǵan baǵdarlamalyq keshen «Qorǵaý» mobıldi qosymshasymen biriktirildi", - dedi Shuǵyla Turlybek.