Mamandar olarǵa teris dinniń zıanyn túsindirdi.
Almaty qalasy “Bilim jáne jańa ınovasıa tehnologıasy” ortalyǵy jýyrda Almaty qalasy QAJ departamenti №11 mekemesindegi sottalǵan balalar arasynda arnaıy dáris ótkizdi, dep habarlaıdy Almaty-akshamy.kz Polisia.kz-ke silteme jasap.
Dáris kezinde Almaty qalasy dinı basqarmasy janyndaǵy keńes berý jáne ońaltý ortalyǵynyń teology, din taný magıstri Aıbar Qoıshybaev dinı saýattylyqty artyrý maqsatynda balalarǵa dinı teris aǵymnyń zıany men odan saqtanýdyń joldary týraly áńgimeledi. İs-sharaǵa Almaty qalalyq prokýratýrasy men ulttyq qaýipsizdik organdarynyń ókilderi qatysty.
Sondaı-aq №11 mekemeniń teologıalyq ońaltý jumysyn uıymdastyrý tobynyń ınspektory Sh.Jarlykasova men mekemeniń jedel aǵa ýákili N.Jıenbekov sóz sóılep, teris dinı aǵymdardyń aıryqsha belgileri, ekstremıstik ıdeıalardy taratý ádisteri týraly aıtty. Teolog-sarapshy Aıbar Qoıshybaev konfesıaaralyq beıbitshilik pen kelisimdi qamtamasyz etý úshin quqyqtyq sanany, otbasy men qoǵamdaǵy tolerantty dástúrlerdi bekitýdiń, halyqtyń jalpy mádenıeti men bilimin kóterýdiń mańyzdylyǵyn atap ótti. Sondaı-aq, ol sottalǵan balalardyń suraqtaryna jaýap berdi.