AQSH-tyń jańadan saılanǵan prezıdenti qatigezdikpen kisi óltirýshiler men jynystyq zorlyq jasaǵandar úshin ólim jazasyn engizýdi kózdeıtinin málimdedi, dep habarlaıdy aqshamnews.kz
«Inaýgýrasıam ótken boıda, men Ádilet mınıstrligine amerıkandyq otbasylardy kisi óltirýshiler men qubyjyqtardan qorǵaý úshin ólim jazasyn qatań túrde talap etý týraly nusqaý beremin», — dep jazdy saıasatker óz áleýmettik jelisi Truth Social-da.
Onyń pikirinshe, mundaı qatań sharalar AQSH-ty qaıtadan «zań men tártip eline» aınaldyrady.
Buǵan deıin qazirgi prezıdent Djo Baıden 37 sottalýshyǵa kesilgen ólim jazasyn jeńildetip, ony shartty túrde merziminen buryn bosatý quqyǵynsyz ómir boıy bas bostandyǵynan aıyrý jazasyna aýystyrǵan edi. Tramp bul sheshimdi qısynsyz dep sanap, onyń qurbandardyń otbasylaryna moraldyq zıan tıgizetinin aıtty.
Baıden federaldy deńgeıde ólim jazasyn qoldanýǵa qarsy bolǵan. Degenmen, qazirgi ýaqytta AQSH-tyń 27 shtatynda mundaı jazaǵa ruqsat etilgen.