Kásipker mal bordaqylap satýmen aınalysady.
Memleket basshysy qarapaıym aýyl turǵynynyń turmys-tirshiligimen tanysý úshin jeke qosalqy sharýashylyǵyn júrgizip otyrǵan Qostóbe aýyly turǵynynyń úıine bardy, dep habarlaıdy Almaty-akshamy.kz.
Aýyl turǵyny Salamat Rahmanberdıev 2020 jyly "Aýyl amanaty" baǵdarlamasy aıasynda 2,5 paıyzben 3,6 mıllıon teńge nesıe alyp, 6 bas múıizdi iri qara, 3 bas jylqy, 10 bas qoı satyp alǵan. Kásipker mal bordaqylap satýmen aınalysady. Qazir tól basyn arttyryp, tapqan tabysyna júk kóligin satyp alǵan. Ol óz nápaqasyn tabýmen qatar, aýyldyń eki turǵynyn jumyspen qamtyp otyr.
Salamat Rahmanberdıev aldaǵy ýaqytta jem satatyn dúken ashyp, mal basyn kóbeıtý úshin taǵy da jeńildikpen 10 mıllıon teńge kredıt alýǵa nıettenip otyrǵanyn jetkizdi.
Memleket basshysy eńbekqor jigittiń kásibine tabys tilep, óz atynan dánýatqysh apparatty syıǵa tartty.