Ásem Nurǵalıeva woman in Tech nomınasıasynda úzdik atandy.
«Digital Almaty: jańa shyndyqtaǵy sıfrlyq áriptestik» halyqaralyq forýmy aıasynda sıfrlandyrý salasynda úzdik jetistikterge jetken joba ıeleri marapattaldy, dep habarlaıdy Almaty-akshamy.kz.
Jeńimpazdardy marapattaý rásimi EAEO-ǵa qatysýshy elderdiń úkimet basshylarynyń jalpy otyrysy aıasynda ótti.
Forým barysynda EdTech nomınasıasynyń jeńimpazy Daryn proektline jobasy boldy. Jeńimpazǵa marapatty Armenıa Premer-Mınıstri Nıkol Pashınán tapsyrdy.
MedTech nomınasıasy boıynsha cerebra jobasy úzdik tanyldy. Jobany Belarýs Premer-Mınıstri Roman Golovchenko marapattady.
FinTech nomınasıasynyń jeńimpazy Solva boldy. Jeńimpazdy Qyrǵyzstan Prezıdenti ákimshiliginiń basshysy Aqylbek Japarov marapattady.
Jyldyń úzdik CDO (Chief Digital Officer) nomınasıasy QR Eńbek jáne halyqty áleýmettik qorǵaý vıse-mınıstri Erbol Ospanovqa berildi. Marapatty Reseı Úkimetiniń tóraǵasy Mıhaıl Mıshýstın tapsyrdy.
Venture capitalist nomınasıasynyń jeńimpazy Most Ventures jobasy boldy. Jeńimpazǵa syılyqty Eýrazıalyq ekonomıkalyq komısıa alqasynyń tóraǵasy Mıhaıl Másnıkovıch tabystady.
E-Commerce nomınasıasy boıynsha Flip.kz úzdik boldy. Jeńimpazdy Ózbekstan Premer-Mınıstri Abdýlla Arıpov marapattady.
Ásem Nurǵalıeva woman in Tech nomınasıasynda úzdik atandy. Jeńimpazdy Qazaqstan Premer-Mınıstri Álıhan Smaıylov marapattady.
Forýmdy uıymdastyrýshylardyń aıtýynsha, Digital Almaty Awards syılyǵy Digital Almaty halyqaraly sıfrlyq forýmy aıasynda jyl saıyn, dástúrli túrde beriletin marapatqa aınaldy. Syılyq alǵash ret 2020 jyly «Digital Almaty: jahandyq ekonomıkanyń sıfrlyq bolashaǵy» forýmynda tabys etildi.
Onda 10 sıfrlyq joba usynyldy, onyń 8-i «it-chempıondar» sanatyndaǵy Qazaqstannyń úzdik IT-kompanıalarynyń ónimderi jáne 2 joba Astana Hub brendimen usynylǵan startaptar bolyp tabylady.