Aldaǵy demalys kúnderi Almatyda jaqyn eldi mekenderde óndiriletin aýylsharýashylyǵy ónimderiniń jármeńkesi ótedi, dep habarlaıdy Almaty-akshamy.kz.
Jármeńkege Almaty oblysynyń Qarasaı, Jambyl, İle, Talǵar jáne Eńbekshiqazaq aýdandarynyń sharýalary qatysady. Qala turǵyndaryna 50-den astam azyq-túlik túrleri usynylady, onyń ishinde et, sút, shujyq, un, maı ónimderi men dándi daqyldar bar.
Aýylsharýashylyq jármeńkesi demalys kúnderi myna mekenjaılarda ótkiziledi:
1. Almaly aýdany (Gogol – Masanchı kósheleriniń qıylysy);
2. Bostandyq aýdany ("Qazaqfılm" yqshamaýdany);
3. Áýezov aýdany (Abaı-Ótegen batyr kósheleriniń qıylysy);
4. Medeý aýdany (Mendiqulov-Bekturov kósheleri jáne Shevchenko-Qonaevta);
5. Túrkisib aýdanynda ("Juldyz" yqshamaýdany).
Jetkiziletin ónimniń jalpy kólemi – 250 tonna, onyń ishinde et ónimderi – 40 tonna, jemister men kóknister – 130 tonna, sút ónimi – 15 tonna, balyq ónimi – 5 tonna, ózge ónimder – 60 tonna.