Ortalyqtyń qorynda 1 mıllıon 132 myń is saqtalǵan.
Almatyda Qazaqstan Prezıdenti Qasym-Jomart Toqaev HH ǵasyrdaǵy saıası qýǵyn-súrgin materıaldaryn zertteý ortalyǵynyń jumysymen tanysty, dep habarlaıdy Almaty-akshamy.kz
Aqordanyń baspasóz qyzmetiniń habarlaýynsha, memleket basshysy sapary barysynda qujattardy saqtaý sharttarymen, muraǵattyq qujattardy restavrasıalaý jáne mıkrofılmge túsirý kabınetteriniń jumysymen tanysty.
Sondaı-aq Memleket basshysyna ótken ǵasyrdaǵy saıası qýǵyn-súrgin tarıhyna qatysty materıaldarmen jumys jasaý ekspozısıasy usynyldy.
Prezıdenttiń Jarlyǵymen 2020 jyldyń qarashasynda HH ǵasyrdaǵy saıası qýǵyn-súrgin qurbandaryn tolyq aqtaý jóninde memlekettik komısıa quryldy. Memlekettik komısıanyń jumysyna qoldaý kórsetý maqsatynda 2021 jyly HH ǵasyrdaǵy saıası qýǵyn-súrgin materıaldaryn zertteý ortalyǵy ashyldy.
HH ǵasyrdyń 30-50 jyldaryndaǵy saıası qýǵyn-súrgin tarıhyna qatysty materıaldar Ortalyqqa İİM, UQK, Bas prokýratýranyń arnaýly muraǵattarynan beriledi.
Ortalyq taıaý ýaqytta barlyǵy 715 myńǵa jýyq isti qabyldap alady dep josparlanyp otyr. Munda qujattardy qupıasyzdandyrý, qalpyna keltirý jumystary júzege asyrylady. Olardy zertteý jáne ǵylymı aınalymǵa engizý úshin tıisti jaǵdaı jasalǵan.
Qazirgi ýaqytta tarıhshy-ǵalymdar men ortalyq qyzmetkerleri «Alashorda isi. 1920-1940 jj. Qujattar men materıaldar» atty kóptomdyqty baspaǵa daıyndap jatyr. Bul basylym HH ǵasyrdaǵy Qazaqstannyń saıası tarıhynyń ǵylymı kókjıegin keńeıtedi.