Almaty polıseıleri qurylys alańynda bolǵan urlyq qylmysynyń betin ashty.
Ustalǵan kúdiktilerdiń urlyqtyń 7 deregine qatysy bar ekeni anyqtaldy, dep habarlaıdy Almaty-akshamy.kz
Polisia.kz-tiń dereginshe, jergilikti turǵyn Áýezov aýdandyq polısıa basqarmasyna aryzben júgingen. Onyń aıtýynsha, túnde belgisiz bireýler turǵyn úılerdiń biriniń qurylys alańynan qurylys materıaldaryn urlap ketken.
«Bul derek sotqa deıingi tergeýdiń biryńǵaı tizilimine QR QK-niń 188-baby (Urlyq) boıynsha tirkeldi. Alǵashqy jedel jáne tergeý is-sharalarynyń nátıjesinde kúdikti qaskóıler anyqtalyp, ustaldy. Olar 23 jastaǵy jigitter bolyp shyqty. Keıin belgili bolǵandaı, eki dos osylaısha nápaqasyn taýyp júrgen. Mysaly, bazarlardyń birinde olar noýtbýk urlap ketken. Kúdiktiler qylmysyn moıyndady. Olardyń osyǵan uqsas 7 qylmysqa qatysy bar ekendigi belgili boldy. Ustalǵandar ýaqytsha ustaý ızolátoryna qamaýǵa alyndy», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Sondaı-aq polısıada QR QPK-niń 201-babyna sáıkes ózge aqparattar tergeý múddesine oraı jarıalaýǵa jatpaıtynyn aıtyldy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.