Olarǵa jaryq shaǵylystyratyn arnaıy elementter jabystyrylady.
Janýarlardyń kesirinen bolatyn jol-kólik oqıǵalary jıi tirkelgen respýblıkalyq avtotrassalardyń ýchaskelerinde janýarlardyń maketteri ornatyldy, dep habarlaıdy Almaty-akshamy.kz
Bıyl bul jumys Pavlodar jáne Qostanaı óńirlerinde ornalasqan respýblıkalyq tas joldarda alǵash ret qolǵa alynyp, qaýipti ýchaskelerde 40-qa jýyq jańa maketter ornalastyryldy.
Eskertý maketteri túngi ýaqytta jáne aýa-raıy qolaısyz bolǵanda anyq kórinýi úshin olarǵa jaryq shaǵylystyratyn arnaıy elementter jabystyrylady. Bul jolǵa nazar aýdarý qajettigin eske salýdyń, qaýipti ýchaskelerdegi jyldamdyqty tómendetýdiń tıimdi tásili.
Janýarlardyń maketteri osyǵan deıin Aqmola, Almaty, Aqtóbe, Shyǵys Qazaqstan, Batys Qazaqstan, Soltústik Qazaqstan jáne Mańǵystaý oblystarynyń respýblıkalyq joldarynyń boıyna ornatylǵan bolatyn.