Kezdesý barysynda amerıkalyq qarjy holdıńiniń elimizdegi qyzmet aıasyn keńeıtý perspektıvalary talqylandy.
Elimizdegi birden-bir amerıkalyq bank sanalatyn Citibank Kazakhstan – halyqaralyq ınvestorlar, memlekettik sektor jáne iri kásiporyndar úshin jetekshi seriktesterdiń biri, dep habarlaıdy Almaty-akshamy.kz.
Memleket basshysy jýyrda jarıalaǵan Qazaqstan halqyna Joldaýy aıasynda Úkimetke osy saladaǵy básekelestikti arttyrý úshin elimizge úsh senimdi sheteldik bankti tartý mindetin júktegenin atap ótti.
Prezıdent Astana halyqaralyq qarjy ortalyǵynyń jahandyq ınvestorlarmen baılanysyn qamtamasyz etý jáne qarjy sektorynyń sıfrlyq transformasıasyn damytýǵa atsalysý isindegi Citigroup kompanıasynyń mańyzdy rólin oń baǵalady.
Memleket basshysy Qazaqstannyń kólik-logıstıkalyq áleýetin arttyrýǵa baǵyttalǵan birqatar jobany qarjylandyrýǵa nıet bildirip otyrǵan Citigroup holdıńiniń aldaǵy josparyn qoldaıtynyn aıtty. Sonymen qatar áńgimelesý barysynda makroekonomıkalyq boljamdar men álemdik qarjy naryǵyndaǵy negizgi úrdister talqylandy.
Kezdesý aıasynda «Qazaqstan temir joly» UK» AQ men Citibank arasynda Wabtec lokomotıvterin satyp alý úshin qarjylandyrýdy uıymdastyrýdyń negizgi sharttary týraly kelisimge qol qoıyldy.