Balǵynbek Imashev depýtat Rınat Zaıytovqa renishin óleńmen jetkizdi
Aqyn Balǵynbek Imashev osyndaı ataýmen Májilis depýtaty Rınat Zaıytovyń kúni keshe jazǵan jazbasyna qarsy oıyn óleńmen bildirdi, dep habarlaıdy Almaty-akshamy.kz.
Esterińizge sala keteıik, keshe Májilis depýtaty Rınat Zaıytovqa psıhologıalyq jáne aqparattyq qysym kórseilip jatqany týraly habarlaǵan bolatynbyz.
Dúmshe depýtatqa!
Ermanovtyń keshegi “myqty” aqyny,
Eı, Zaıytov Rınat Rıfhatuly!
Qaharynan Qudaıdyń qoryqpaıtyn,
Jańa Qazaqstannyń vıp “batyry”…
Basqa shyǵyp barasyń úndemesek,
Laqtyrasyń tasadan dinge kesek.
Kishireıip keshirim suraı salsań,
Janǵan otty órshitip úrlemes ek.
Sura dese keshirim buldanasyń,
Jasaldy dep shabýyl jyndanasyń.
Mansabyń da ýaqytsha, ataǵyń da,
Qudaı úshin qaýqarsyz qul ǵanasyń!
Sájde qylǵan mańdaıdy alaıaq dep,
Jalǵan aıyp taǵasyń ońaı-aq kep.
Aýyzyńda bes hadıs, on aıat joq,
Júregińdi aıtasyń qalaı aq dep?
Alataýda júr ediń jalańaıaq,
Depýtat qyldy seni “aǵań” aıap.
Sen barǵan soń “Amanat” túzeldi me,
“Nurotannyń” deýshi eń ǵoı bári alaıaq?
Negizinde bilimsiz, oısha nánsiń,
Kelgen sózdi aýzyńa deı salarsyń.
Adamnyń da zańynan habaryń joq,
Allanyń da dininen beıhabarsyń.
Qosanovpen qatyrdyń dym demedik,
Qoshanovqa shaqyrdyń úndemedik.
Myń súrinip jatsań da aqyndyqpen,
Aqtalýdy bilesiń birdeńe ǵyp.
Ata dinmen alysqan Májilismen,
Aıyptadyń baýyrdy aýyr ispen.
Eldiń jaýy musylman qaýym emes,
Jaý izdeseń shataspa ádiristen!
Eldiń jaýy - jemqorlar tóbedegi,
Eldiń jaýy - tyshqandar kemedegi.
Uryǵa emes quryǵyn dinge salǵan,
Depýtattyń senbisiń kóregeni?
Parlamentte sen bolsań eń aqyldy,
Nege qazir jarmaısyń qara qyldy?
Nege aıtpaısyń paraqor ákimderdi,
Nege aıtpaısyń zınaqor, pedafıldi?
Din - Amanat, eldi odan kim tıa alat?
Dil - Amanat, kim ony silkı alat?
Partıany uıatqa qaldyrdyń da,
Amanatqa jasadyń shyn qıanat!
Sóıleı berme oıyńsha joryp qana,
Bere almaısyń sen dinge tolyq baǵa.
Shyn musylman qıanat jasamaıdy,
Bizden emes Qudaıdan qoryq, bala!
Qulaqkesti Qudaıdyń quly, Rınat,
Jala jaýyp jasadyń iri ǵıbat.
Múminderge myń bále japqanyńnan,
Ar-Rahmannyń qalmaıdy Dini qırap.
Suramaımyz biz senen qımasyńdy,
Jamaǵatty jaý sanap, jıma ashýdy.
Qatelikti moıyndap momyn bolsań,
Táýbege kep, Allaǵa ı basyńdy!