Memleket basshysy Wabtec kompanıasynyń prezıdenti jáne bas atqarýshy dırektory Rafael Santanany qabyldady
Kezdesýde Qazaqstannyń temirjol salasyn jańǵyrtý aıasynda Wabtec kompanıasymen aradaǵy yntymaqtastyq perspektıvalary talqylandy, dep habarlaıdy Almaty-akshamy.kz.
Rafael Santana Qasym-Jomart Toqaevqa Qazaqstanda sýtegi tehnologıasyn qoldanatyn lokomotıvter men olardyń qosalqy bólshekteriniń óndirisin iske qosý, ınjırıng ortalyǵy men tehnologıalyq transfertti uıymdastyrý úshin pysyqtalyp jatqan ınvestısıalyq jobalar týraly málimet berdi.
Memleket basshysy kompanıanyń kólik-logıstıka salasyna shamamen 1 mıllıard dollar ınvestısıa quıý josparyn quptap, munyń Transkaspıı halyqaralyq kólik baǵdaryn damytýǵa yqpal etetinin jáne basqa da ınfraqurylymdyq jobalar úshin negiz bolatynyn atap ótti.
Prezıdenttiń AQSH-qa sapary aıasynda «Qazaqstan temir joly» «UK» aksıonerlik qoǵamy men Wabtec arasynda strategıalyq yntymaqtastyq týraly negizdemelik kelisimge qol qoıyldy.
Wabtec (Westinghouse Air Brake Technologies Corporation) Fortune 500 tizimine kiredi, sondaı-aq ol kólik-logıstıka salasyndaǵy jahandyq kóshbasshylardyń biri sanalady.
Álemniń 50-den astam elinde kompanıanyń fılıaldary bar jáne onda 27 myńnan asa adam jumys isteıdi.