Búgin Qazaqstan Prezıdenti Qasym-Jomart Toqaev BUU Bas Assambleıasynyń 76-shy sesıasynyń tóraǵasymen kezdesedi, dep habarlaıdy Almaty-akshamy.kz.
Bul týraly Memleket basshysynyń baspasóz qyzmeti habarlady.
«Búgin Memleket basshysy Qasym-Jomart Toqaev Aqorda rezıdensıasynda BUU Bas Assambleıasynyń 76-shy sesıasynyń tóraǵasy Abdýlla Shahıdpen kezdesý ótkizedi», - delingen habarlamada.
Aıta keteıik, Abdýlla Shahıd Qazaqstanda 13 tamyzǵa deıin bolady. Ol Qazaqstanǵa sapary barysynda joǵary laýazymdy tulǵalarmen kelissózder júrgizedi. Pandemıa, turaqty damý, klımattyq daǵdarys jáne Birikken Ulttar Uıymynyń qyzmetin jandandyrý sıaqty ózekti taqyryptar talqylanady dep kútilýde.