Danıar Eleýsinov jyl sońyna deıin kásipqoı mansabyn aıaqtaýy múmkin. Qazaqstandyq boksshy bul jóninde badlefthook portalyna bergen suhbatynda málimdedi, dep habarlaıdy Almaty-akshamy.kz.
«Maǵan boks onsha unamaıdy, men jeńiske jetkendi unatamyn. Promoýter kerek, jekpe-jekke shyǵýym kerek. Jyl sońyna deıin osy oılaǵanym bolmasa, onda sporttyq mansabymdy aıaqtaıtyn shyǵarmyn», - dedi Danıar.
Aıta keteıik, jerlesimiz 25 shildede AQSH tórinde ýkraınalyq Ivan Golýbpen jolyǵý kerek edi. Biraq jekpe-jek keıinge qaldyryldy. Danıar eń sońǵy ret ótken jyldyń jeltoqsanynda sharshy alańǵa shyqty. Elordadaǵy jekpe-jek keshinde argentınalyq Hýan Ernan Lealdy jeńip, IBO tujyrymy boıynsha álem chempıony belbeýin ıemdendi.
Aıta keteıik, 30 jastaǵy Danıar Eleýsinov 2016 jyly Rıo Olımpıadasynyń chempıony atanǵan. Áýesqoı boksta 2013 jyly álem chempıony, 2013 jáne 2015 jyldary Azıa chempıony bolǵan.