Bul - Jubanov kóshesinen qala shekarasyna deıingi aýmaq.
Almaty ákimi Erbolat Dosaevtyń búgin Áýezov aýdanynda ótken halyqpen kezekti kezdesýinde osy jaıly sóz boldy, dep habarlaıdy Almaty-akshamy.kz.
Aýdan turǵyny «Jubanov kóshesin tesý qashan bastalady?» dep suraq qoıdy.
«Qazirgi tańda Jubanov kóshesin tesý boıynsha jobalaý jumystary júrgizilýde. Aǵymdaǵy jyldyń jeltoqsan aıynda memlekettik saraptamany alý josparlanýda. Bári oıdaǵydaı bolsa, kelesi jyly qurylys jumystaryn bastaımyz. Bul joba Jubanovtan qala shekarasyna deıin tesýdi qarastyrady, Áýezov jáne Naýryzbaı aýdandarynyń aýmaǵy arqyly ótedi, Sabdenov kóshesiniń boıymen jartylaı ótedi, kósheniń eni 40 metr, ıaǵnı 4 jolaqty jol. 180-ge jýyq jer bar», - dep jaýap berdi oǵan Almaty qalalyq mobıldilik basqarmasynyń basshysy Ǵanı Murzahanov.