«Órnek» lageri «Januıa» mamandandyrylǵan mektep-ınternatynyń tárbıelenýshilerin qabyldady.
Onda 5 pen 18 jas aralyǵyndaǵy balalar jazǵy kanıkýlyn ótkizedi. Bilikti mamandar qyzyqty trenıńter, sheberlik sabaqtary jáne sporttyq saıystar uıymdastyryp jatyr. «Órnek» lageri Almatydaǵy Oqýshylar saraıyna qaraıdy. Lagerdiń jumysy ádettegideı tańǵy jattyǵýdan bastalady. Odan keıin tańǵy as ishken oqýshylarǵa bir kúnniń sabaq kestesi jarıalanady. Ár kúnniń baǵdarlamasy ártúrli bolǵandyqtan oqýshylardy jalyqtyrmaıdy, - deıdi tálimgerler.
«Bizdiń maqsatymyz – oqýshylar boıynda patrıottyq sezimderdi oıatý. Otanǵa degen súıispenshilikti tárbıeleý. Sonymen qatar adamı qasıetter men salaýatty ómir saltyn qalyptastyrý bolyp tabylady», - dedi «Órnek» lageriniń tálimgeri Gúljan Rahmanbekova.
Lagerde qazir 80-ge jýyq bala jazǵy demalysyn ótkizip jatyr. Oqýshylar 10 kún ishinde negizgi sabaqtardan ózge de kvadratkopter ushyryp, geoınformatıka, bıoneırotehnologıalar jáne dızaın taqyryby boıynsha sheberlik sabaǵyna qatysady. Tipti týrızmdi damytýdyń qyr-syryn úırenedi.
«Munda týrısik salanyń mamandary kelip turady. Balalarǵa tabıǵat aıasynda ot jaǵýdy, shatyr qurýdy, qanatty joldarmen júrýdi úıretedi. Mundaı sabaqtar oqýshylar úshin óte qyzyq», - deıdi «Órnek» lageriniń aýysym basshysy Baýyrjan Bektaev.
Lagerdegi balalar ár topqa bólinip, jarystar ótkizip otyrady. Dop teýip, voleıbol jáne basketbol oınaıdy. Arasynda kitaphanaǵa jınalyp, bilimderin jetildiredi.
«Men tamaq jasaýdy, sahnaǵa shyǵý, óleń aıtý, ártúrli bılerge qatysyp, kúshti oıyndar oınaýdy úırendim. Lagerde maǵan kóbinese ártúrli úıirmeler unap jatyr. Ádemi, qyzyqty zattar tálimgerler bizben jumys istep jatyr», - deıdi oqýshy Aısha Shynasylova.
«Órnek» lageriniń shákirtteri tabıǵatty kútip, baptaýdy da úırenip jatyr. Tálimgerler aǵashtar men gúlderdi sýarýdyń, olardy ósirýdiń durys joldaryn kórsetedi. Jobanyń maqsaty – balalardyń patrıottyq sezimin arttyrý. Salaýatty ómir saltyna baýlyp, qorshaǵan ortany aıalaýǵa shaqyrý.