"Barshańyzdy máslıhat depýtattarynyń İİ respýblıkalyq forýmynyń ashylýymen quttyqtaımyn!
Shyn máninde, bul jıynnyń mán-mańyzy aıryqsha. Depýtattar – ózekti máselelerdi ashyq aıta biletin, azamattardyń qoǵamdaǵy oı-pikirin atqarýshy bılikke tikeleı jetkizetin qaýym. Bir sózben aıtsaq, depýtat bolý – halyqtyń úni bolý degen sóz. Mysaly, jańa ǵana sóz sóılegen azamattar óte mańyzdy máselelerdi kóterdi. Áset Mahambetovtiń bilikti maman retinde atom energıasy týraly pikiri ózekti. Syrymbek Sársembaev mono-qalalardy damytý jóninde jaqsy usynystar aıtty. Rınat Zaıtovtyń ulttyq ónerdi qoldaý týraly paıymdary da oryndy. Depýtattar Iýlıa Kýchınskaıa jáne Evgenıı Býslaev ta óte ózekti pikirlerin aıtty.
Máslıhat – memlekettik bıliktiń óte mańyzdy tarmaǵy. Aımaq jurtshylyǵynyń tynys-tirshiligi, muń-muqtajy qashanda máslıhat depýtattarynyń jiti nazarynda bolýǵa tıis. Saılaýshylardyń múddesin qorǵap, el úmitin aqtaý – basty paryz. Men máslıhattardyń qyzmetine erekshe mán beremin. Jalpy, elimizde 3300-den astam máslıhat depýtaty bar. Sonyń 70 paıyzyna jýyǵy osy zalda otyr",- dedi Prezıdent barlyq deńgeıdegi máslıhattar depýtattarynyń İİ respýblıkalyq forýmynyń ashylýynda sóılegen sózinde.
Prezıdent barlyq deńgeıdegi máslıhattar depýtattarynyń İİ respýblıkalyq forýmynyń ashylýymen quttyqtady
- Avtor aqshamnews.kz
- 11:32, 03 qazan 2024
Aqorda