Almaty polısıasy alaıaqtardan saqtaný joldaryn aıtty.
Almatylyq “Kıberpol” ınternet-alaıaqtardyń toryna túsip qalmaý jóninde mańyzdy usynystardy aıtty, dep habarlaıdy aqshamnews.kz Polisia.kz-ke silteme jasap.
Saqtyq sharalary:
– bankter men uıaly baılanys operatorlarynan telefonyńyzǵa keletin SMS-kodtardy eshkimge aıtpańyz;
– jeke derekterińizdi, banktik shotyńyz ben kartańyz týraly aqparatty eshkimge jibermeńiz jáne jarıa etpeńiz;
– bank kartalaryńyzdy úshinshi adamdarǵa paıdalanýǵa bermeńiz jáne belgisiz adamdardan sizdiń atyńyzǵa aqsha aýdarymdaryn qabyldamańyz;
– ónimdi satyp almas buryn nemese onlaın qyzmet alý aldynda ınternet-dúkenderdiń reıtıńteri men pikirlerin tekserińiz.
Esińizde bolsyn! Quqyq qorǵaý organdary men bankter sizden telefon arqyly eshqashan tranzaksıa jasaýdy nemese jeke aqparatyńyzdy suramaıdy. Almaty polısıasy “Egov” qosymshasynda nesıe alýdan erikti túrde bas tartýǵa ótinish berýge keńes beredi. Ol úshin “eGov mobile” mobıldi qosymshasynda nemese “eGov.kz” portalynda ótinish berý qajet. Mobıldi qosymshada bul qyzmet negizgi bette, “Tanymal qyzmetter” bóliminde qoljetimdi. Uqsas qyzmetti “eGov.kz” portalynyń “Azamattar” – “Keden jáne salyqtar” – “Ekonomıka jáne qarjy bóliminde de alýǵa bolady.
Aqparat kózi Polisia.kz saıtynda: https://polisia.kz/alayaqtardan-qalaj-saqtanamyz-politsiya-kengesi/