Prezıdentke qarjy naryǵyn, kapıtal naryqtary men qyzmetterin damytýǵa qatysty AHQO-nyń jospary baıandaldy.
Memleket basshysy «Astana» halyqaralyq qarjy ortalyǵynyń basqarýshysy Renat Bekturovty qabyldady, dep habarlaıdy Almaty-akshamy.kz Aqordaǵa silteme jasap.
Prezıdentke qarjy naryǵyn, kapıtal naryqtary men qyzmetterin damytýǵa qatysty AHQO-nyń jospary baıandaldy. Kezdesý barysynda Qasym-Jomart Toqaev «Astana» halyqaralyq qarjy ortalyǵynyń jumysyn jandandyrý jóninde birqatar mindet júktedi.
Atap aıtqanda, shetelden ınvestısıa tartýǵa jan-jaqty atsalysýdy, jańa qarjy quraldaryn damytýdy jáne el ekonomıkasynyń ornyqty damýyna yqpal etýdi tapsyrdy.
Eske salsaq, 6 qańtarda Memleket basshysynyń Jarlyǵymen Renat Nurmoldauly Bekturov «Astana» halyqaralyq qarjy ortalyǵynyń basqarýshysy laýazymyna taǵaıyndaldy.