Buǵan deıin Almaty men Qonaev qalalary arasynda arnaıy elektr poıyzy júretin.
Prezıdent Qasym-Jomart Toqaev bul baǵytty qalpyna keltirýdi usyndy, dep habarlaıdy Almaty-akshamy.kz
Mundaı shara Almaty mańyndaǵy kólik keptelisin azaıtady.
Toqaevtyń aıtýynsha, óńirdiń kóliktik-logıstıkalyq áleýetin arttyrý basty basymdyqtardyń biri bolyp tabylady. Úkimet ákimdikpen birlesip, óńirdiń kólik jelisin jaqsartý boıynsha keshendi sharalar ázirleýi kerek.
«Jolaýshylar men júk tasymalynyń múmkindikterin keńeıtý úshin jaǵdaı jasaý qajet. Atap aıtqanda, Almaty men Qonaev qalalary arasyndaǵy jolmen qatar temirjol jelisin damytý qajet», - dedi Qasym-Jomart Toqaev.
Toqaev munda óńiraralyq kólik dálizderin damytý erekshe mańyzdy ekenin atap ótti. Jobanyń sátti júzege asýy aýyl sharýashylyǵynyń qarqyndy damýyna septigin tıgizedi.