Almaty qalalyq qoǵamdyq densaýlyq saqtaý basqarmasynyń epıdemıologıalyq qadaǵalaý bóliminiń bas epıdemıology Baqjanar Muhamadıevanyń aıtýynsha, vırýstyq ınfeksıalardyń kóbeıgeni baıqalady. Qazirdiń ózinde 30 415 JRVI jáne 3 tumaý juqtyrý jaǵdaıy tirkeldi, dep habarlaıdy almaty-akshamy.kz
Bul týraly 6 qyrkúıekten búgingi kúnge deıingi kezeńge qatysty málimetterdi spıker Almaty qalasynyń Óńirlik komýnıkasıalar qyzmetiniń brıfıńinde málim etti.
«Eger epıdemıaǵa deıingi maýsymnyń basynda balalar arasynda juqtyrý deńgeıi 65,2 paıyzdy (3876 jaǵdaı) qurasa, búginde eresek turǵyndar arasynda da aýrý deńgeıiniń artýy baıqalady», - dedi B.Muhamadıeva.
ÓKQ spıkeriniń aıtýynsha, jedel respıratorlyq ınfeksıalardyń aldyn alý megapolıstiń barlyq dárigerleriniń basymdyq berip otyr. Baqnazar Muhamadıeva tumaýdyń aldyn alýdyń eń tıimdi ádisi der kezinde vaksınasıa alý dep esepteıdi.
«Jyl saıyn qazan-qarasha aılarynda tumaýǵa qarsy vaksınany tek aǵymdaǵy jyly shyǵarylǵan vaksınamen alý qajet, óıtkeni tumaý vırýsy mýtasıaǵa jáne ózgerýge qabiletti. Vaksınany alǵannan keıin ımýnıtet 14 kúnnen keıin qalyptasady jáne maýsym boıy 1 jylǵa deıin saqtalady », - deıdi QDSB ókili.
Aıta keterligi, Almatyda jergilikti búdjet esebinen, ıaǵnı, qaterli toptaǵy adamdar tumaýǵa qarsy ekpeden ótedi. Vırýs juqtyrý qaýpi joǵary toptaǵy adamdardy tumaýǵa qarsy egý naýqany 6 qyrkúıekte bastaldy.
Qaterli topqa medısına qyzmetkerleri; medısınalyq uıymdarda dıspanserlik esepte turǵan balalar; balalar úıleriniń, sábıler úıleriniń, qarttar úıleriniń kontıngenti; sondaı-aq epıdemıologıalyq kórsetkishteri boıynsha 60 jastan asqan qart adamdar, júktiliktiń 2 jáne 3 trımestrindegi júkti áıelder, sozylmaly aýrýlary bar adamdar, ınternat tárbıelenýshileri kirgen.
Vaksınasıany júrgizý úshin jergilikti búdjetten Reseıde óndirilgen 130 000 doza mólsherinde úsh valentti tumaýǵa qarsy «Grıppol plús» vaksınasynyń birinshi partıasy satyp alyndy. Sondaı-aq, 17 qazanda qosymsha 80 000 doza mólsherinde «Grıppol plús» vaksınasynyń ekinshi partıasy satyp alyndy. Nátıjesinde aǵymdaǵy epıdemıaǵa deıingi maýsymda satyp alynǵan vaksınanyń jalpy sany 210 000 dozany qurady, bul tegin egýge jatatyn vaksınasıalaýǵa jatatyn halyqtyń sany.
ÓKQ spıkeri 6 medısınalyq ortalyqta («IMC» MO, «Vaksınasıa klınıkasy», «Farmakom» JSHS, «Medical Assistance Group» JSHS, «SOS-QAZAQSTAN» JSHS, «Medical Assistance Group» JSHS, «Intertıch» JSHS, «Avısenna» LDS) qazan aıynan bastap halyqty aqyly negizde vaksınasıa alýǵa bolatynyn atap ótti.
Epıdemıologıalyq qadaǵalaý bóliminiń bas epıdemıology Baqjanar Muhamadıeva qala turǵyndaryn JRVI jáne tumaýǵa qarsy aldyn alý sharalaryn saqtaýǵa shaqyrady:
JRVI jáne tumaýmen aýyratyn pasıenttermen baılanysta bolýdan aýlaq bolyńyz, eger janasýdy boldyrmaý múmkin bolmasa, betperde kıý kerek;
pasıent ujymǵa barǵan kezde qoǵamdyq oryndarda, sondaı-aq, úıde betperde kıý kerek;
aýrýdyń belgileri bolǵan jaǵdaıda medısınalyq kómekke júginý kerek, ózin-ózi emdeýge bolmaıdy;
túshkirý jáne jótelý kezinde aýyzdy qolmen, maılyqpen jabý;
qoldy múmkindiginshe jıi jýý;
ımýndyq júıeni kóterý úshin S dárýmenin kóbirek qoldaný;
JRVI jáne tumaý jıiliginiń joǵarylaýy kezeńinde qoǵamdyq is-sharalarǵa qatysýdy azaıtý;
ata-analardan JRVI jáne tumaýmen aýyrǵan balalardy mektepke, mektepke deıingi bilim berý mekemelerine jibermeýdi suraıdy.