Úmitkerge kandıdat kýáligin tabystady.
QR Ortalyq saılaý komısıasy 20 qarashada kezekten tys ótetin prezıdent saılaýyna Qaraqat Ábdendi kandıdat retinde tirkeý jóninde sheshim qabyldady, dep habarlaıdy Almaty-akshamy.kz QazAqparatqa silteme jasap.
Ortalyq saılaý komısıasynyń kún tártibinde bir ǵana másele qaraldy.
«Ortalyq saılaý komısıasynyń 11 qazandaǵy qaýlysymen kandıdatýranyń zań talaptaryna sáıkes keletindigi anyqtaldy. Úmitkerge azamattardyń qoldaryn jınaý úshin qol qoıý paraqtary berildi. Aýmaqtyq saılaý komısıalarynyń hattamalaryna sáıkes QR Prezıdenttigine kandıdatty qoldaǵan elimizdiń 15 óńirinen 121 314 azamattyń qoly jınaldy. Onyń ishinde 120 158 qol tekserilip, 118 418-i senimdi dep tanyldy»,- dedi ortalyq saılaý komısıasynyń múshesi Shavkat Ótemisov.
Sondaı-aq, OSK músheleri úmitkerdiń kandıdatýrasyn qabyldaý týraly qaýlyny daýysqa saldy. Nátıjesinde biraýyzdan oń sheshim qabyldandy.
«Ortalyq saılaý komısıasy 2020 jylǵy 20 qarashaǵa taǵaıyndalǵan kezekten tys prezıdent saılaýyna Qaraqat Jaqsylyqqyzy Ábdendi kandıdat retinde tirkeıdi», - dedi ortalyq saılaý komısıasynyń tóraǵasy Nurlan Ábdirov.
Otyrys sońynda OSK tóraǵasy úmitkerge kandıdat kýáligin tabystady.
Eske salsaq, 7 qazanda «Kásibı áleýmettik jumyskerler ulttyq alánsy» respýblıkalyq qoǵamdyq birlestigi kezekten tys prezıdent saılaýyna Qaraqat Jaqsylyqqyzy Ábdenniń kandıdatýrasyn usynǵan bolatyn.
10 qazan kúni QR Ortalyq saılaý komısıasynda Qaraqat Ábden memlekettik tildi bilý deńgeıi boıynsha emtıhandy sátti tapsyrdy.
Al 11 qazanda Ortalyq saılaý komısıasy Qazaqstan prezıdenttigine kandıdat Qaraqat Ábdenniń barlyq talapqa sáıkestigi týraly qaýly qabyldady.