Almatynyń Naýryzbaı aýdanyndaǵy «Premer» qazandyǵynyń jylý qýaty 2 esege artty
Almatynyń Naýryzbaı aýdanynda belsendi turǵyn-úı qurylysyna baılanysty, atap aıtqanda «Shuǵyla» shaǵyn aýdanynda qoldanystaǵy qazandyqtyń qýaty sapaly jylýmen qamtamasyz etý úshin jetkiliksiz boldy. Bul máseleni sheshý úshin 2023 jyldyń jeltoqsanynda «Premer» qazandyǵyn jańǵyrtý aıaqtaldy. Bul týraly qala ákimi Erbolat Dosaev Naýryzbaı aýdanynyń turǵyndarymen kezdesý barysynda málimdedi.
«Sonyń nátıjesinde qazandyqtyń jylý qýaty 2 ese, 100 Gkal/saǵ ulǵaıdy», - dedi qala basshysy.
Aıta keteıik, 2023 jyly Almatyda Erbolat Dosaevtyń tapsyrmasymen júrgizilgen jylýmen jabdyqtaý salasyndaǵy kezekti modernızasıalaý jumysy 25 jyldan qoldanylǵan qubyr jelileriniń paıyzyn 59,2%-ǵa deıin qysqartýǵa múmkindik berdi. Jylýaralyq kezeńde jalpy uzyndyǵy 7,6 km jylý jelilerindegi 12 nysan qaıta jańartyldy.
Jylý óndirý sektorynda barlyq 84 qazandyqta jóndeý-profılaktıkalyq jumystary júrgizildi. Atap aıtqanda, 7 jylý nysanynyń 13 qazandyǵy, 12 qazandyqtyń 24 tútin sorǵyshy, sonymen qatar, basqa da qosalqy jabdyqtar aýystyryldy.