Almatynyń tórt shaǵyn aýdanynda 395 shaqyrym sý qubyry jáne káriz jelileri salynady
Naýryzbaı aýdany qurylǵannan beri aýyz sýmen qamtamasyz etý eń ózekti másele bolyp tabylady. Búginde aýdan turǵyndaryn sapaly jáne úzdiksiz sýmen qamtamasyz etý boıynsha belsendi jumystar júrgizilýde. Bul týraly qala ákimi Erbolat Dosaev halyqpen esep berý kezdesýinde málimdedi, dep habarlaıdy almaty-akshamy.kz
Qala basshysy eske salǵandaı, ótken jyldyń qarasha aıynda Aqjar jáne Shuǵyla shaǵyn aýdandarynda 61 shaqyrym sý qubyry jáne káriz jelileriniń qurylysy sátti aıaqtaldy.
2024 jyldyń maýsym aıynda Aqjar, Qaraǵaıly, Tastybulaq jáne Taýsamaly shaǵyn aýdandarynda 395 shaqyrym jańa sýmen jabdyqtaý jáne káriz jelileriniń qurylysyn bastaý josparlanýda.
Aqjar men Qaraǵaıly boıynsha memlekettik saraptamanyń oń qorytyndylary alyndy.
Tastybulaq jáne Taýsamaly shaǵyn aýdandary úshin memlekettik saraptama bıylǵy jyldyń naýryz aıynda aıaqtalady dep kútilýde, dep atap ótti Erbolat Dosaev.