Qazaqstanda Perızat Qaırattyń atyshýly isine baılanysty qaıyrymdylyq qorlarynyń jumysyna qoıylatyn talaptar kúsheıtile me? Bul suraqqa premer-mınıstr Oljas Bektenov jaýap berdi, - dep habarlaıdy aqshamnews.kz.
"Qazir Perızat Qaıratqa qatysty daýly, rezonansty is qaralyp jatyr. Osy jaǵdaıdan keıin qaıyrymdylyq qorlary men halyqtan qarajat jınaýmen aınalysatyn uıymdarǵa qoıylatyn talaptarǵa ózgerister engizile me?" – dep surady úkimettegi brıfıńte tilshiler.
Oljas Bektenov bul jaǵdaıdan habardar ekenin aıtty.
"Iá, árıne, bul jaǵdaımen tanyspyn. Ókinishke qaraı, maqsatsyz jumsalatyn tek búdjet qarjysy emes, azamattardan jınalǵan qaıyrymdylyq qarajaty da bar. Bul – sonyń aıqyn mysaly. Jáne jalǵyz mysal emes, basqa da oqıǵalar bolǵan. Biraq bul – eń shýly is shyǵar", – dedi premer-mınıstr.
Bektenovtyń pikirinshe, Qazaqstanǵa qarajat jınaýǵa qatysty zańnamalyq ózgerister qajet. Bul qarajattyń jumsalýyn esepti, baqylaýly ári ashyq etýge múmkindik beredi.
"Quqyq qorǵaý organdary bul urlyqtyń naqty qandaı jolmen jasalǵanyn anyqtap beredi dep oılaımyn. Osydan keıin osyndaı quqyqbuzýshylyqtardyń aldyn alý maqsatynda zańnamalyq túzetýler engizýge bolady", – dep qosty Úkimet basshysy.