Almatyda 1983 jylǵy qubyrdy aýystyrýǵa baılanysty Baıtursynov kóshesindegi ýchaskede kólik qozǵalysy ýaqytsha shekteledi, - dep habarlaıdy aqshamnews.kz.
Aldaǵy jylytý maýsymyna daıyndyq kezeńiniń ishinde Almaty qalasynyń Bostandyq aýdanynda jylý jelilerin josparly jańǵyrtý jalǵasady. Jumys sheńberinde 1983 jyly paıdalanýǵa berilgen, jalpy uzaqtyǵy 1,5 shaqyrym bolatyn jylý trassasy aýystyrylady.
Osyǵan baılanysty, 2025 jyly 16 shilde saǵat 23:00 bastap 21 shilde saǵat 07.00 deıin Bostandyq aýdanynda Baıtursynov jáne Buqar jyraý kósheleriniń qıylysynda kólik qozǵalysy jabylady.
Sátbaev kóshesimen Masanchı kóshesinen bastap Baıtursynov kóshesine deıingi ýchaskede qozǵalys qalpyna keltirildi. Jumystardy júrgizý barysynda Sátbaev jáne Baıtursynov kósheleriniń qıylysymen ótetin jol ashyq bolady.
Shekteýler kórsetilgen kóshe ýchaskeniń astynan ótetin qubyrjoldardy jańǵyrtý boıynsha josparly jumystardyń qaýipsizdigin qamtamasyz etý úshin engiziledi. Jańǵyrtý jumystaryn júrgizý merziminiń ishinde tutynýshylarǵa ystyq sý berý toqtatylmaıdy.
Bul jylý trassasy 16 kóppáterli turǵyn úıdiń jáne basqa da 7 nysan turǵyndaryna jylý energıasyn berýdi jáne ystyq sýmen jabdyqtaýdy qamtamasyz etedi.
Jalpy alǵanda, bıyl qala boıynsha 39 shaqyrym jylý jelilerin jańǵyrtý josparlanǵan. Bul tozý deńgeıin 54% deıin azaıtýǵa múmkindik beredi.
Eske salamyz, qozǵalystardy shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdan ákimdikteri men basqarmalardyń áleýmettik jelilerinde, sondaı-aq, "2GIS" jáne "Iandeks kartalar" servısterinde jazylǵan.
"Almaty jylý júıesi" JSHS ýaqytsha qolaısyzdyqqa túsinistikpen qaraýdy surady.