Qazir Qazposhta 20 myń adamdy jumyspen qamtamasyz etip otyr.
Qazposhta basshysy Ásel Janasova poshtashylardyń jalaqysyna qatysty túsinikteme berdi, dep habarlaıdy aqshamnews.kz
“Iá, shyny kerek, bizde aýyldyq jerde operatorlar men poshtashylar az jalaqy alady. Nege deseńiz, sebebi sálemdemeler, hattar men gazetter az keledi. Sondyqtan mamandarymyz 0,2-0,7 stavkamen jumys isteıdi. Biz eki jylda jalaqyny 25 prosentke kóterdik, bıyl taǵy 15 prosentke arttyrdyq. Budan bólek, jylyna úsh ret barlyq qyzmetkerge syıaqy beriledi. Tabysymyz artsa, biz aldymen jalaqyny kóteremiz”,-dedi Janasova búgin májilistiń jalpy otyrysynda.
Onyń aıtýynsha, búginde poshta bólimshelerin ashýǵa da biraz aqsha kerek. Sol sebepti bólimsheler ákimdik ǵımarattarynda jáne dúkenderde ashylyp otyr. Sonyń arqasynda aýyldarda poshta qyzmeti toqtaǵan joq. Qazirgi kezde jyljymaly poshta bólimsheleri de bar.
“Mysaly, aýyldaǵy poshta bólimsheleriniń bárin jóndep shyǵý úshin 14 mlrd teńge qajet. Eki jylda 2 mlrd teńge bóldik. Osy aqshaǵa 244 bólimshe jóndeldi”, - dep atap kórsetti Janasova.