Zańsyz shyǵarylǵan aktıvterdi elge qaıtarý esebinen: Shymkenttegi mektep-ınternat-kolledj tárbıelenýshilerine arnalǵan 300 oryndyq jataqhana salynady
Memleket basshysynyń tapsyrmasyna sáıkes elge zańsyz shyǵarylǵan aktıvterdi qaıtarý arqyly áleýmettik mańyzy bar jobalardy iske asyrý jumystary jalǵasýda, dep habarlaıdy aqshamnews.kz
Osy oraıda Úkimet Shymkent qalasyndaǵy «Saıram kómekshi mektep-ınternat-kolledji» keshenine 300 oryndyq jataqhana salý úshin Arnaýly memlekettik qordan 2,6 mlrd teńgeden astam qarjy bóldi.
Jańa ǵımarat zamanaýı talaptarǵa tolyq saı etip jobalanǵan. Jataqhanada uldar men qyzdarǵa arnalǵan jeke bloktar, medısınalyq bólim, keń asqana, oıyn bólmeleri jáne basqa da qajetti nysandar qarastyrylǵan.
Qazirgi ýaqytta «Saıram kómekshi mektep-ınternat-kolledjinde» 363 bala bilim alyp jatyr. Alaıda jataqhanadaǵy oryn tapshylyǵy saldarynan oqý ǵımaratyndaǵy keıbir kabınetter ýaqytsha jatyn bólmeler retinde paıdalanylyp otyr. 120 orynǵa arnalǵan jataqhana talaptardy tolyq qamtamasyz ete almaıdy, bul sebepti 67 bala úıde oqýǵa májbúr.
Jańa jataqhananyń salynýy balalardyń bilim alýyna jáne jaıly ómir súrýine jaǵdaı jasap qana qoımaı, oryn tapshylyǵyn da tolyqtaı sheshedi.
Zańsyz shyǵarylǵan aktıvter esebinen elimizde basqa da áleýmettik jobalar júzege asyryldy. Olardyń qatarynda:
- Aqmola oblysy Zerendi aýylynda sport keshenin salý;
- Túrkistan oblysy Temirlan aýylynda mýzyka mektebin ashý;
- Arqalyq qalasynda daryndy sportshy balalarǵa arnalǵan sport kesheni;
- Astanada tirek-qımyl apparaty buzylǵan balalarǵa arnalǵan ońaltý ortalyǵy;
- Almatyda erekshe qajettilikteri bar azamattarǵa arnalǵan jattyǵý ortalyǵy;
- Aqtóbede erekshe balalarǵa arnalǵan arnaıy balabaqsha;
- Atyraý oblysy Jamansor aýylynda mektep salý;
- Rıdder qalasynda kópbeıindi aýrýhana keshenin aıaqtaý.
Áleýmettik jobalardy iske asyrý jumystary jalǵasýda.