Almatyda taǵy da qaıǵyly jaǵdaı oryn aldy. Almatyda jarnama iletin 26 jastaǵy álpınıs 12-qabattan 2-qabattyń balkonyna qulap, oqıǵa ornynda kóz jumdy.
Oqys oqıǵa 3 jeltoqsan kúni tústen keıin boldy. «DDK-ekstrım grýpp» JK ónerkásiptik alpınısi Tóle bı kóshesindegi 16 qabatty «Assem Plaza» turǵyn úı kesheniniń qasbetine jarnamalyq banner ornatqan, dep habarlaıdy aqshamnews.kz.
Oqıǵaǵa qatysty Polısıa departamenti túsinikteme berdi.
«Almaly aýdandyq PB-ǵa qarasty polısıa bólimi 27 jastaǵy jigittiń ólimine ákep soqtyrǵan eńbek qaýipsizdigi erejelerin buzý deregi boıynsha qylmystyq is qozǵady. Oqıǵanyń basqa da mán-jaılaryn anyqtaýǵa baǵyttalǵan tergeý sharalary kesheni júrgizilip jatyr», - delingen habarlamada.
Eske sala keteıik, birer kún buryn Almatyda qoımalardyń birinde dánekerleý jumystaryn júrgizý kezinde oqys jaǵdaı bolyp, jumysshy qaıtys bolǵan edi. Qaýipsizdikti saqtańyzdar!