Tizimde Eldos Smetov joq
Dzúdodan Qazaqstan quramasynyń balýandary 26-28 qańtar kúni Portýgalıanyń Odıvelash qalasynda ótetin Gran-prı týrnırinde beldesedi. Otandyq tatamı sheberleri úshin jyldyń alǵashqy jarysy sanalatyn bul dodada elimizdiń erler jáne áıelder quramasynan barlyǵy 18 sportshy kúresedi, dep habarlaıdy almaty-akshamy.kz.
Olardyń arasynda Erjan Erenǵaıypov, Dáýren Sýıýkenov (60 kg), Janarys Rahmetqalı, Nursultan Zaızaǵalıev (66 kg), Jansaı Smaǵulov, Darhan Qoıbaǵar (73 kg), Aıbol Nysanáli, Mádı Amangeldi (81 kg), Aıdar Arapov, Qudiret Dosymov (90 kg), Islam Bozbaev, Ádilet Saparǵalıev (100 kg) syndy balýandar bar.
Sonymen birge, áıelder quramasynan Abıba Ábýjaqynova, Ǵalıa Tynbaeva (48 kg), Baqyt Qussaqbaeva (57 kg), Esmıgúl Kuıylova (63 kg), Arýna Jangeldına (78 kg), Kámıla Berliqash (+78 kg) tatamıge shyǵady.
Aıta ketetin jaıt, byltyr Portýgalıa Gran-prıinde áıelder arasynda Abıba Ábýjaqynova pen Ǵalıa Tynbaeva fınalǵa shyǵyp, ózara altyn men kúmisti bólisken edi. Sondaı-aq, erler arasynda Jansaı Smaǵulov fınalǵa shyǵyp, týrnırdi ekinshi orynme aıaqtady.