Ádebıettegi shyndyǵy úshin keńestik saıasattyń synyna ushyraǵan qalamger Berdibek Soqpaqbaevtyń ómiri men shyǵarmashylyǵy áli zerttelmeı keledi.
Bul týraly Almatyda ótken «Balalar ádebıetiniń baǵbany» atty keshte jazýshy Marat Toqashbaev aıtty, dep habarlaıdy Almaty-akshamy.kz.
Pýblısısiń pikirinshe Soqpaqbaev týyndylaryndaǵy keıipkerlerdiń bolmysy men dıalogtary, astarly oılary keńestik kezeńdegi jaýaptylardyń shymbaıyna tıgen. Qalamger 1924 jyly 15 qazanda Narynqol aýdanynyń Qostóbe aýylynda dúnıege kelgen. Saparǵalı Begalın atyndaǵy Ortalyq qalalyq balalar kitaphanasynda ótken kesh úlken toıdyń bastaýy ǵana. Berdibek Soqpaqbaevtyń «Meniń atym Qoja», «16 jasar chempıon», «Ólgender qaıtyp kelmeıdi» syndy súbeli shyǵarmalary oqyrman úshin úlken tárbıe mektebine aınaldy.
«Sony qaıtys bolardyń aldynda Memlekettik syılyqtyń berilmeýiniń ózi de is júzinde ony moıyndaǵysy kelmeý. Biraq shyn máninde ýaqyt, ótken zaman, onyń barlyǵy Berdibektiń shyǵarmashylyq bıiktigin, onyń shyn máninde klasıkalyq jazýshy ekendigin ýaqyt dáleldep otyr. Onyń baǵasyn aldaǵy ýaqytta da beriledi, dep oılaımyz», - dedi jýrnalıs-jazýshy Marat Toqashbaev.