Týrızm jáne sport mınıstrliginiń qoldaýymen fransıalyq Accor qonaq úı toby jáne ALAZAR GROUP JSHS arasynda birlesken yntymaqtastyq týraly kelisimshartqa qol qoıyldy.
Qujatqa qol qoıý rásimine Týrızm jáne sport mınıstri Ermek Marjyqpaev, Ulttyq ekonomıka birinshi vıse-mınıstri Tımýr Jaqsylyqov, Týrızm jáne sport mınıstrligi Týrızm ındýstrıasy komıteti tóraǵasynyń m.a. Nurtas Káripbaev, Pavlodar oblysy ákimdiginiń ókili, New East Europe óńirindegi Accor bas dırektory Aleksıs Delaroff jáne ALAZAR GROUP JSHS jáne Orient Finance Group JSHS ókili Rýslan Shaekın qatysty, dep habarlaıdy Almaty-akshamy.kz.
Memleket basshysy ınvestısıalyq áleýetti arttyrý jáne týrızm salasynda kásipkerlikti damytý úshin barynsha qolaıly jaǵdaılar jasaý jóninde sharalar keshenin qabyldaý qajettigin únemi aıtyp keledi. 2023 jyldyń qorytyndysy boıynsha negizgi kapıtalǵa salynǵan ınvestısıa kólemi 800 mlrd teńgege jetti. Bul – aldyńǵy jylmen salystyrǵanda 1,5 ese kóp (2022 jyly 513 mlrd teńge), al ornalastyrý oryndarynyń sany alǵash ret tórt myńnan asty.
«Qonaqjaı ındýstrıasynda ár alýan jáne tolyqtaı ıntegrasıalanǵan ekojúıeleri bar Accor qonaq úı jelisi ornalastyrý oryndary boıynsha jobalardy iske asyrýy elimizdegi týrızm salasyn damytýǵa zor úles qosady dep úmittenemin. Álemge áıgili halyqaralyq kompanıamen yntymaqtastyq ornatý, tájirıbe almasý jemisti jáne tabysty kelisim bolady degen senimdemiz», - dep atap ótti Ermek Marjyqpaev.
Accor – álemniń 110-nan asa elinde saýyqtyrý ortalyqtary men kovorkıngter, 5500 qonaq úı, 10 000 meıramhana men barlardy biriktiretin álemdegi jetekshi qonaq úı toby. Atalǵan kompanıa qonaqjaı ındýstrıadaǵy áralýan jáne tolyqtaı ıntegrasıalanǵan ekojúıeler bar.