Dıetolog maman balalardyń súıikti táttisin qan tamyrlary men júrekke paıdaly deıdi. Biraq paıdaly bolýy úshin ony úıde ázirleýińiz kerek.
Nýtrısolog Sapkına popkorndy júrek pen qan tamyrlaryna paıdaly taǵamdardyń biri dep atady, dep habarlaıdy Almaty-akshamy.kz
Qant pen hosh ıistendirgishter qosylmaı, úıde ázirlengen popkorn - bul asqazan-ishek, júrek-qan tamyrlary jáne teri densaýlyǵyn jaqsartýǵa kómektesetin tamasha sýperfýd, -deıdi RIA Novostıge suqbat bergen dıetolog ári nýtrısolog Nadejda Sapkına.
«Popkorn jasalatyn júgeriniń quramynda V tobynyń dárýmenderi, temir, myrysh, mys, kalıı, magnıı, fosfor, marganes jáne polıfenoldy antıoksıdanttar bar. Bul elementterdiń barlyǵy júrek-qan tamyrlary aýrýlary men as qorytý problemalarynyń qaýpin azaıtýǵa kómektesedi», - dedi ol.
Degenmen, ol tátti jáne sary maıda pisirilgen popkorn holesterın deńgeıin kúrt arttyrady dep qosty. Mundaı taǵamnyń kishkentaı bir sheleginde shamamen 600 kalorıa bar.
«Al bul endi zıansyz tiskebasar emes, salmaq qosýǵa jáne sonyń saldarynan túrli aýrýlarǵa ákeletin shelektegi bomba», - dep eskertti Sapkına.
Al tuzdy popkorn denedegi sý balansyn buzady jáne isiný men sellúlıttiń paıda bolýyn týdyrady deıdi sarapshy.
«Transmaılar tynys alý júıesiniń aýrýlaryn qozdyratyn qaterli isikterdiń damýynyń katalızatoryna aınalady, bul ásirese astmatıkalyq naýqastar úshin qaýipti. Popkorndaǵy maılar joǵary temperatýranyń áserinen dıasetıl ýly zatyn shyǵara bastaıdy, ol keı jaǵdaıda ókpe fıbrozyna jáne Alsgeımer aýrýyna ákeledi. Dám keltirgish qospalar asqazan-ishek joldarynyń ártúrli aýrýlaryn týdyrady», - dedi dáriger.