Qarjy pıramıdasyn belgili vaınerler jarnamalaǵan
26 qazanda Almatyda qarjy pıramıdasyn uıymdastyrdy dep aıyptalǵan Mudarabah Capital kompanıasynyń basshysy ustaldy. 1981 jyly týǵan azamat ýaqytsha ustaý ızolátoryna qamaldy. Bul týraly qalalyq polısıa bastyǵynyń orynbasary Rýstam Abdrahmanov Instagram paraqshasynda málimdedi, dep habarlaıdy Almaty-akshamy.kz
2021 jyly 27 sáýirde polısıaǵa bir top azamat ASTEX.KZ, ACD technology JSHS laýazymdy tulǵalaryna qatysty qarjy pıramıdasyn qurý jáne basqarý deregi boıynsha aryz berdi.
Sotqa deıingi tergep-tekserý barysynda 2019 jylǵy aqpan-2021 jylǵy qańtar aralyǵynda JSHS laýazymdy tulǵalary jeke jáne zańdy tulǵalarmen memlekettik satyp alýǵa qatysý úshin qajet dep tabylǵan qarjyny tartý úshin birlesken qyzmet týraly sharttar jasalǵany anyqtaldy. Eki jaqty qujatqa sáıkes, fırmalar aı saıyn ár salymshyǵa salym somasynyń 20 paıyzyn tóleýi kerek edi.
Bul qylmysqa deıin tórt kúdikti áshkerelendi, olardyń úsheýi sot sanksıasymen qamaýǵa alyndy.
Sonymen qatar, ASTEX.KZ JSHS-da 160 salymshydan basqa kompanıa - MUDARABAH Capital JSHS arqyly túsken eki mıllıard teńgeden astam aqsha bar ekeni anyqtaldy.
Buǵan deıin Almaty turǵyndary tanymal qazaqstandyq vaınerler Meıirjan Tórebaev, Meıirhan Shernıazov jáne Ázim Saıdbaev túsken Mudarabah Capital jarnamasyna shaǵymdanǵan.