Merkel kansler laýazymyna 2005 jyly qarashada saılanǵan.
Germanıa Prezıdenti Frank-Valter Shtaınmaıer Angela Merkelge kansler ókilettiliginiń aıaqtalýy týraly resmı habarlamany tapsyrdy, dep habarlaıdy almaty-akshamy.kz RIA Novostı agenttigine silteme jasap.
İs-shara Memleket basshysynyń rezıdensıasynda - Belvú saraıynda ótedi. Koronavırýstyq pandemıaǵa baılanysty oǵan qatysqan qonaqtar men jýrnalıserdiń sany shekteýli.
Buǵan deıin Germanıa Prezıdenti Merkelge jańa Mınıstrler kabıneti qurylǵansha ýaqytsha qyzmet atqara turýdy tapsyrǵan bolatyn.
Seısenbi kúni Berlınde 20-shy Býndestagtyń quryltaı jınalysy ótti. Depýtattar Parlamenttiń jańa prezıdentin - 53 jastaǵy Berbel Basty (Germanıa sosıal-demokratıalyq partıasy, SPD) saılady.
Germanıanyń negizgi zańynyń 69-babyna sáıkes, Germanıa Federatıvtik Respýblıkasynyń kansleri men Úkimet mınıstrleri jańa shaqyrylymdaǵy Býndestagtyń birinshi otyrysy ótken sátten bastap otstavkaǵa ketýi kerek.