Bul ispen Kegen aýdanynyń polısıasy aınalysýda
Áleýmettik jelide taraǵan vıdeoda er jigit ózine ánshi Tóreǵalı Tóráli tap berip, qabaǵyn jarǵany týraly aıtady, dep habarlaıdy Almaty-akshamy.kz QazAqparatqa silteme jasap.
Vıdeo kadrlarynan qabaǵy jarylǵan jigittiń qasynan bir top adamdy kórýge bolady. Olar Tóreǵalı Tóráliniń jas jigitke qol kótergenin kýáger retinde biraýyzdan rastaıtyny aıtady.
Almaty oblystyq polısıa departamentiniń baspasóz qyzmeti bul jaıtqa qatysty tómendegideı túsinik berdi.
«Qazir atalǵan faktige qatysty tekserý júrgizilip jatyr. Almaty oblysy polısıasynyń tapsyrmasymen bul ispen Kegen aýdanynyń polısıasy aınalysýda. İs oblystyq polısıanyń baqylaýyna alyndy», - delingen vedomstvo habarlamasynda.
Aıta ketý kerek, oqıǵa Kólsaıda bolǵan.