Qazaqstan úkimetter arasyndaǵy kelisimge vızasyz rejım ornatý bóliginde ózgerister engizetin Hattama jobasy daıyndaldy, dep habarlaıdy Almaty-akshamy.kz Zakon.kz-ke silteme jasap.
Sonymen qujattyń ataýy bylaı ózgertildi: Qazaqstan Respýblıkasynyń úkimeti men Katar Memleketiniń úkimeti arasyndaǵy Dıplomatıalyq, arnaıy, qyzmettik jáne jalpy pasporttardyń ıelerin vızalyq talaptardan bosatý týraly kelisim.
Qazaqstan azamattary úshin myna qujattar jaramdy:
• dıplomatıalyq pasport;
• resmı tólqujat;
• Qazaqstan azamatynyń tólqujaty.
Katar memleketiniń azamattary úshin:
• dıplomatıalyq pasport;
• arnaıy tólqujat;
• jalpy tólqujat.
Bul tólqujattardyń ıeleri ekinshi tarap memleketiniń aýmaǵyna birinshi ret kelgen kúnnen bastap 90 kún ishinde 30 kúnnen aspaıtyn merzimge vızasyz kirýge, shyǵýǵa, tranzıtpen ótýge ıe bola alady.
Jobany qabyldaý Qazaqstan Respýblıkasy men Katar Memleketi arasyndaǵy tyǵyz yntymaqtastyqty damytýǵa jáne dıplomatıalyq, qyzmettik, qyzmettik jáne azamattyq tólqujattardyń ıeleri úshin vızasyz jeńildetilgen tártipti ornatýǵa baǵyttalǵan.
Kelisimge Katar Ámiri sheıh Tamım ben Hamad ál-Tanıdiń 2022 jyldyń qazan aıynda Qazaqstanǵa memlekettik sapary kezinde syrtqy ister vedomstvolarynyń basshylary qol qoıady dep boljanyp otyr.
Qujat 3 qazanǵa deıin Ashyq NQA veb-saıtynda jarıalanǵan.