Qostanaıda polısıa qyzmetkeri bir kafede mas bolyp, úlken daý shyǵardy.
Oqıǵa kezinde birneshe adam qonaqty syrtqa shyǵarýǵa tyrysqan, al ol bolsa kóshede tóbelesýge daıyn bolǵan, dep habarlaıdy aqshamnews.kz.
Oqıǵanyń vıdeosy jergilikti «TobolInfo» basylymynda jarıalandy. Vıdeoda Qostanaı oblysy polısıa departamentiniń jeke quram boıynsha aǵa ınspektory Bolat Ibrashevty kafeden súıemeldep alyp shyǵyp bara jatqanyn kórýge bolady.
Oqıǵa ótken mereke kúnderi oryn alǵan. Oblystyq polısıa departamenti oqıǵaǵa qatysty pikir bildirdi.
«Oqıǵa boıynsha qyzmettik tergeý júrgizilýde. Tergeý barysynda qyzmetkerdiń áreketterine quqyqtyq baǵa berilip, qyzmetker men onyń basshylyǵynyń jaýapkershiligi anyqtalatyn bolady», — dep málimdedi vedomstvo ókilderi.
Sondaı-aq, mereke kúnderi quqyq qorǵaý organdarynyń qyzmetkerleri kúsheıtilgen rejımde jumys istegeni habarlandy.