Qazaqstan Respýblıkasynyń Indýstrıa jáne qurylys mınıstri Qanat Sharlapaev jýrnalıserge bergen suhbatynda, Qazaqstanda óndiriletin turmystyq tehnıkanyń sheteldik ónimderden kem emes ekenin atap ótti.
Ol barsha qazaqstandyqtardy elimizde óndirilip jatqan otandyq ónimderge nazar aýdarýǵa shaqyrdy, dep habarlaıdy aqshamnews.kz.
«Bul – qazaqstandyqtardyń tańdaý máselesi. Eger olar otandyq tehnıkany satyp alǵysy kelse, satyp ala alady. Al eger sheteldik ónimderdi qalasa, olardy da alý múmkindigi bar. Men ekonomıkalyq patrıotızm túsinigin óte jaqsy kóremin. Bul kóptegen nárselerdi qamtıdy, eń aldymen, otandyq óndirýshilerge basymdyq berýdi. Endi elimizde ónerkásiptiń bar ekenin moıyndaýdyń ýaqyty keldi. Bul sala kólemi jáne JİÓ-ge qosqan úlesi jaǵynan taý-ken ónerkásibimen teń. Bul da ekonomıkalyq patrıotızm», – dedi Sharlapaev.