Almatyda qolaısyz kún raıynan bir túnde 33 jol apaty boldy.
Osyǵan baılanysty tártip saqshylary júrgizýshiler men jaıaý júrginshilerge úndeý jasady, dep habarlaıdy almaty-akshamy.kz
«Bul úndeý negizinen kólik basqaratyn qala júrgizýshilerine arnalǵan. Biz olardy jol erejesin qatań saqtaýǵa, júrgizýshi mádenıetin tanytýǵa jáne muqıat bolýǵa shaqyramyz», — dedi Almaty qalalyq PD Jergilikti polısıa qyzmeti basqarmasy bastyǵynyń orynbasary Serik Shýmaev.
Qalalyq polısıadan málim etkendeı, 11 jeltoqsan saǵat 20:00–den 12 jeltoqsan tańǵy saǵat 06:00 aralyǵynda Almaty joldarynda 33 jol apaty tirkeldi, tórteýinde jaraqat alǵandar bar.
«Sonymen qatar, aýa raıynyń nasharlaýyna jáne qar jaýýyna, aýa temperatýrasynyń tómendeýine baılanysty jol qaýipsizdigin qamtamasyz etý maqsatynda júrgizýshiler men kólik ıelerin kólik dóńgelekterin qysqysyna aýystyrýdy shaqyramyz», — dedi S. Shýmaev.