Almatyda 12-13 jeltoqsan kúnderi 23-27 gradýsqa deıin aıaz bolady. Bul jaıynda 112 qyzmeti eskertý jasady, dep habarlaıdy almaty-akshamy.kz
Aıta keteıik, túnde bastalǵan qar toqtaýsyz áli jaýyp tur.
Osyǵan baılanysty qalalyq tótenshe jaǵdaılar departamenti júrgizýshilerge kóligin aǵash astynda qaldyrmaý kerektigin eskertti.
«Almatyǵa qalyń qar tústi, tuman bolady. 23-27 gradýsqa deıin aıaz bolady. Sondyqtan qala qonaqtary men turǵyndardan taýly jerlerge barmaı, 112 qyzmetiniń SMS-habarlamalaryn, buqaralyq aqparat quraldaryndaǵy aqparatty nazardan tys qaldyrmaýdy suraımyz» delingen habarlamada.