Qazaqstan prezıdenti el turǵyndaryna «Elektrondy úkimet» arqyly kredıt alý múmkindigin buǵattap, odan óz erkimen bas tartýǵa múmkindik beretin zańǵa qol qoıdy, dep habarlaıdy Aqorda.
«Memleket basshysy «Qazaqstan Respýblıkasynyń keıbir zańnamalyq aktilerine aqparattyq qaýipsizdik, aqparattandyrý jáne sıfrlyq aktıvter máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańyna qol qoıdy, - dep jazylǵan habarlamada.
Erikti bas tartý týraly aqparat qaryzdardy maquldaý kezinde eskeriledi. Bul úshinshi tulǵalardyń banktik qaryzdar men mıkrokredıtter alýyna jol bermeıdi.
Budan bólek, derbes derekterdi qamtıtyn bazalardyń menshik ıeleri men operatorlary bir jumys kúni ishinde ýákiletti organǵa derbes derekter qaýipsizdiginiń buzylǵanyn habarlaýǵa mindetteledi.
Azamattar óziniń derbes derekteri paıdalanylǵan barlyq operasıa týraly jeke kabınettegi habarlamalar nemese sms arqyly biledi.