Jalǵan qujat jasaýǵa jol joq.
İİM-niń deregi boıynsha, polısıa jyl basynan beri vaksına pasporttary men PTR-testterdi qoldan jasaý boıynsha 65 qylmystyq is qozǵady, dep habarlaıdy Almaty-akshamy.kz Polisia.kz-ke silteme jasap.
Covid-19 koronavırýstyq ınfeksıasy saldarynan kóptegen adamnyń ómiri qıylýda. Tek bir táýlik ishinde Qazaqstanda koronavırýstyq ınfeksıaǵa oń PTR-taldaýy bar 5 648 naýqas anyqtaldy. Barlyq qabyldanǵan shekteý sharalaryna qaramastan, bul san kún saıyn ósip keledi. İİM-niń asa alańdatarlyq epıdemıologıalyq jaǵdaıyn eskere otyryp, Memleket basshysynyń tapsyrmasy boıynsha osy aýrýǵa baılanysty barlyq qylmystyq kórinisterge erekshe kóńil bólinedi. Jalǵan PTR testileri men vaksına pasporttaryn qoldan jasaý jáne paıdalanýshylardy anyqtaý baǵytyndaǵy jumystar belsendi júrgizilýde, óıtkeni vaksınalanbaǵan azamattar koronavırýstyń taralýyna jaǵdaı jasaı jasap, basqalarǵa juqtyrý qaýpin joǵarylatady.
Tergeý bólimsheleriniń óndirisinde PTR-testilerdi qoldan jasaý, daıyndaý nemese ótkizý boıynsha Qylmystyq kodekstiń 385-baby boıynsha 42 qylmystyq is boldy (QK 385-baby 1-bóligi – 23, 2-bóligi-3, 3-bóligi – 16), onyń ishinde 39-y aǵymdaǵy jyly tirkelgen.
Vaksına pasporttaryn qoldan jasaý faktileri boıynsha aǵymdaǵy jyly 23 qylmystyq is tirkeldi, tergeý jalǵasýda. Qoldan jasalǵan qujattardyń sany jáne árbir is boıynsha zańǵa qaıshy áreketterge qatysýshylardyń sany da ár túrli. Bular tergeý nátıjeleri boıynsha naqtylanatyn bolady. İshki ister organdary jalǵan PTR-anyqtamalar men vaksına pasporttaryn satý faktilerin anyqtaý boıynsha túrli jedel-izdestirý is-sharalaryn júrgizýde. Polısıa qyzmetkerleri medısınalyq ortalyqtardy, emhanalardy, vaksına alý pýnktterin tekserýdi jalǵastyrýda.
İİM jalǵan qujat jasaǵany úshin tórt jylǵa deıin bas bostandyǵynan aıyrý túrindegi qylmystyq jaýapkershilik, al ony paıdalanǵany úshin 40 táýlikke deıin qamaýǵa alý kózdelgenin eske salady.