Qūrbandyq shalu rásímí qurban2021.kz saıtyna tapsyrys bere otyryp, onlaın rejımde ótedí.
Koronavırus ınfektsıyasynyń órshuíne baılanysty Almaty «qyzyl» aımaqta. Sanıtarlyq-epıdemıologıyalyq jaǵdaıǵa baılanysty Qūrban aıt merekesí boıynsha barlyq ís-shara onlaın formatta ótedí, dep habarlaıdy Almaty-akshamy.kz.
Óńírlík kommunıkatsıyalar qyzmetínde ótken baspasóz konferentsıyasynda Almaty qalasynyń bas ımamy Ospan Tólebı, ortalyq meshíttíń naıb ımamy Ruslan Qaıyrgeldí, qalalyq sanıtarlyq-epıdemıologıyalyq baqylau departamentíníń basshysy árí qalanyń bas memlekettík sanıtarlyq dárígerí Jandarbek Bekshın Qūrban aıt merekesínde qūrbandyq shalu boıynsha ís-sharalardy ūıymdastyru árí ótkízudíń erejelerí turaly habarlady.
Almatyda sanıtarlyq-epıdemıologıyalyq jaǵdaı kúrdelí. Nauqastar sanynyń ósuíne mutatsıyalanǵan "delta" shtamynyń boluy áser etude. Osyǵan oraı Qūrban aıt merekesí bıyl 20 shíldede onlaın formatta ótedí.
Eske salsaq, Almaty qalasy ákímíníń orynbasary Erjan Babaqūmarov Qūrban aıt merekesíne qatysty ótken keńeste qalalyq basqarmalar men audandardyń ákímdíkteríne, veterınarlyq jáne tıístí qyzmetterge mereke kezínde ınfektsıyanyń aldyn-alu jáne karantındík shekteulerdíń saqtaluyna baqylaudy kúsheıtu jónínde qajettí sharalar qabyldaudy tapsyrdy.
Qūrban aıt merekesí kezínde KVI-díń odan árí taraluyna jol bermeu úshín Almatynyń bas memlekettík sanıtarlyq dárígerí Jandarbek Bekshın jergílíktí memlekettík organdardyń ókílderí men Almaty qalasy ortalyq meshítíníń bas ımamyna Qūrban aıt merekesí kezínde qatań karantındík sharalardy saqtaudy tapsyrdy.
«Qalada koronavırus ınfektsıyasynyń kúrt órshuíne baılanysty adam kóp jınalatyn ís-sharalardy, onyń íshínde ūıymdarda, sondaı-aq jeke menshík úı men medreselerde aıt namazyn ótkízuge tyıym salynady», – dedí Jandarbek Bekshın.
Almaty qalasy ortalyq meshítíníń ımamy Ospan Tólebıdíń aıtuynsha, kúrdelí epıdemıologıyalyq jaǵdaıǵa baılanysty qala meshítterínde Qūrban aıt namazy oqylmaıdy.
«Aıt namazynyń ornyna úıde ekí rákat nápíl namazyn oqu ūsynylady», – dedí ımam.
Qūrbandyq shalu rásímí qurban2021.kz saıtyna tapsyrys bere otyryp, onlaın rejımde ótedí. Almaty qalasynyń bas ımamy Ospan Tólebıdíń aıtuynsha, qūrbandyq shalu rásímíne ótínímder 15-í men 22 shílde aralyǵynda saǵat 14.00-ge deıín qabyldanady.
«Bıyl Almaty qalasynda Qūrban aıt merekesí kezínde 1108 ūsaq jáne 50 írí qara mal qūrbandyqqa shalynady dep josparlanuda. Qūrbandyq etí 5 545 mūqtaj otbasy men 14 mekemege bólínedí», – dedí Ospan Tólebı.
SOVID-19 epıdemıyasy jaǵdaıynda Qūrban aıt merekesín ūıymdastyru máselelerín halyqqa túsíndíru maqsatynda ortalyq meshítpen bírlesíp Call-ortalyqtyń jūmysy ūıymdastyryldy. Qūrban aıtqa qatysty barlyq sūraqtar boıynsha myna nómírlerge habarlasuǵa bolady: 8 (727) 329 09 66, 8 778 382 88 36 nemese WhatsApp nómírí boıynsha – 8 775 475 00 83.
Eske salsaq, bas memlekettík sanıtarlyq dárígerdíń qaulysyna sáıkes, Almaty aumaǵynda 19-y men 22 shílde aralyǵynda mal soyu tsehy men bazarlardyń jūmys ísteuíne tyıym salynǵan. Sondaı-aq maldy soyuǵa, ony avtokólíkter men jeke úı ıelerínen satuǵa tyıym salynady. Bír erekshelígí Almaty qalasynyń ortalyq meshítínde belgílengen onlaın rejımínde qūrbandyq shalynady.
Onlaın rejımde qūrbandyq shaludy júzege asyru úshín qala aumaǵyna januarlardyń ákelínuíne jol bermeu úshín Almaty aımaǵynyń kíreberísteríne beketter ornatylady.
Mūqtaj adamdarǵa qūrbandyqqa shalynǵan maldyń etín taratu úshín arnaıy adamdar jeke qorǵanysh qūraldarymen qamtamasyz etíledí. Tez būzylatyn ónímderdí, sonyń íshínde qūrbandyqqa shalynǵan maldyń etín tasymaldau jáne saqtau jóníndegí sanıtarlyq-epıdemıologıyalyq erejeler qatań saqtalady.
15 shíldede koronavırus ınfektsıyasynyń 885 jaǵdaıy tírkeldí. Onyń 780-í sımptomsyz jáne 105-í sımptomdy. Infektsıyalyq statsıonarlarda 2 292 adam, onyń íshínde 181 bala jatyr. Reanımatsıya jáne qarqyndy terapıya bólímshelerínde 132 nauqas bar. Sondaı-aq 27 – ÓJJ, 39 - ınvazıvtí emes ÓJJ, 61 High flow apparaty qosylǵan.
Búgínde úıde BMSK jáne telemedıtsına ortalyǵynyń mobıldí brıgadalarynyń baqylauynda 4 326 nauqas bar, sımptomdy jeńíl jáne ortasha dárejesí bar - 3958, al sımptomsyz – 368 adam bar.
Almaty ortalyq meshítí men qalalyq sanıtarlyq-epıdemıologıyalyq baqylau departamentíníń ókílderí Qūrban aıt merekesín ótkízudíń belgílengen erejelerín qatań saqtauǵa shaqyrdy. Qasıettí qūrbandyq shalu rásímí koronavırus ınfektsıyasynyń odan árí órshíp, taralmauyna tosqauyl boluy kerek.