Qaýly áli zańdy kúshine engen joq.
Talǵar aýdandyq soty polısıa formasyn zańsyz kıgen adamǵa 18 460 teńge aıyppul saldy, dep habarlaıdy Almaty-akshamy.kz
Almaty oblysy Talǵar aýdandyq sotynda Ákimshilik quqyq buzý týraly kodekstiń 675-babynyń 1-bóliginde kózdelgen arnaıy polısıa qyzmetkeriniń formasyn zańsyz kıip júrý faktisi boıynsha I. esimdi azamatqa qatysty ákimshilik is qaraldy.
«Quqyq buzýshynyń kinási onyń moıyndaýymen, sondaı-aq sot otyrysy barysynda zerttelgen is materıaldarymen dáleldendi. Sot qaýlysymen quqyq buzýshy I. kodekstiń 675-babynyń 1-bóligi boıynsha kináli dep tanylyp, oǵan 5 AEK (18 460 teńge) kóleminde aıyppul salyndy. Forma tárkilenedi», - dep habarlady sottan.