Almaty qalasynyń Ekologıa jáne qorshaǵan orta basqarmasy «Almaty-bizdiń ortaq úıimiz» naýqany aıasynda «qoqystan jasalǵan úzdik art-nysan» baıqaýyn jarıalady.
Baıqaýǵa kez-kelgen nıet bildirýshi shaqyrylyp, qatysty. Sýretshiler, músinshi, sáýletshiler men óner súıer qaýym belsendilik tanytty. Ótinimder bıylǵy jyldyń 12-30 sáýiri aralyǵynda qabyldandy.
Barlyǵy 30-dan astam ótinim kelip tústi. Onyń 15-i konkýrstyń barlyq shartyna sáıkes kelip, maquldandy. «Qoqystan jasalǵan úzdik art-nysan» baıqaýynyń qorytyndysy 8 mamyr kúni saǵat 14.00-de «Mýsorgı» fleshmoby aıaqtalǵannan keıin shyǵarylady.
Júlde qory (demeýshilik qarajat esebinen) :
1 oryn - 1 mln. teńge
2 oryn - 500 myń teńge
3 oryn - 300 myń teńge
Konkýrstyq komısıanyń quramyna Qasteev atyndaǵy murajaı dırektorynyń orynbasary S. Kobjanova, «Almaty qalasy murajaılarynyń birlestigi» KMQK Almaty qalasy tarıhy murajaıy bóliminiń basshysy A. Hojamuratova, «Aspan» qazirgi zamanǵy óner galereıasynyń dırektory M. Qalıeva, qazirgi zamanǵy ónerdiń kýratory ári zertteýshisi V. Ibraeva, «Artbat Fest» festıvaliniń uıymdastyrýshysy V. Slýdskıı, Econetwork jobasynyń negizin qalaýshy Muhamedjanov E.
Baıqaýdyń negizgi maqsaty — turmystyq qaldyqtardy bólek jınaý ári lastaný problemalaryna nazar aýdarý, turǵyndardy tártipti, tazalyqty saqtaýǵa jáne qorshaǵan ortaǵa uqypty qaraýǵa yntalandyrý.
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
«Almaty – bizdiń ortaq úıimiz» naýqany týraly barlyq aqparat almaty.kz saıtynda, Almaty ákimdiginiń áleýmettik jelilerinde ornalastyrylǵan. Sondaı-aq, veb-saıtqa qala boıynsha bannerlerde, plakattarda arnaıy ornalastyrylǵan QR-kod arqyly da kirýge bolady.
Áleýmettik medıa naýqanynyń belsendi qatysýshylaryna arnalǵan heshtegter:
#AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.