Polısıa alaıaqtardyń eń kóp qoldanatyn 10 aılasyn aıtty, - dep habarlaıdy Aqshamnews.kz tilshisi.
1. Jalǵan qaýip týdyryp, adamdy shatastyrady.
“Aqshańyzdy saqtaý úshin ony basqa shotqa aýdaryńyz nemese depozıtten sheship, basqa shotqa salyńyz”.
2. Jalǵan bedelge súıenip, qysym jasaıdy.
“Sizben tergeýshi nemese İİM, UQK qyzmetkeri sóılesip tur. Tutqany qoımańyz”.
3. Jábirlenýshini oqshaýlap, keńes alýyna kedergi jasaıdy.
“Bul qońyraý týraly eshkimge aıtpańyz — qupıa operasıa júrgizilip jatyr”.
4. Shot qoljetimsiz bolady degen oı salady.
“Kilt sózdi ózgertýge ótinim tústi”.
5. SIM-kartany nemese bank júıesin urlaý úshin qoldanylady.
“Men baılanys operatorynyń qaýipsizdik qyzmetinenmin. Qazir sizge kod keledi, sony aıtyp jiberińiz”.
6. Aqshany óz shottaryna aýdartady.
“Depozıttegi qarajatty bank shotyna aýdarý qajet”.
7. Barlyq málimetterdi jınap, keıin aqsha urlaıdy.
“Bul – ulttyq qaýipsizdik qyzmetkeri. Qaı bankte shottaryńyz baryn aıtyńyz. Karta men depozıtti dereý buǵattaý úshin derekterińizdi berińiz”.
8. Emosıaǵa berilip, ýaqyt arqyly qysady.
"Jaqynyńyz qıyn jaǵdaıǵa tústi (Jol apaty, polısıa, aýrýhana). Shuǵyl aqsha jiberý kerek”.
9. Jalǵan paıda usynyp, aqsha bopsalaıdy.
"Siz syılyq/ótemaqy utyp aldyńyz! Ony alý úshin salyqty nemese jetkizý aqysyn tóleýińiz kerek”.
10. Qupıa kodty aldap alady.
“Shotyńyzdan aqsha sheshýge áreket jasaldy. Operasıany toqtatý úshin SMS-kodty aıtyńyz”.
Mundaı qońyraýlardyń maqsaty:
- klıenttiń mobıldi qosymshasyna qol jetkizý;
- aqshany “qorǵalǵan shotqa” óz erkimen aýdartqyzý;
- TeamViewer, AnyDesk, RustDesk, Hoptodesk, RudeDesktop sekildi qashyqtan basqarý baǵdarlamalaryn ornatýǵa kóndirý.
Polısıa qazaqstandyqtarǵan keńes berdi:
Eshqashan CVV, PIN, kartanyń tolyq derekterin, SMS-kodtardy eshkimge aıtpańyz! Polısıa, bank nemese baılanys operatorlary aqsha nemese kod suramaıdy.